中共再出發幾多次,都係死路一條

中共要控制香港,始終要靠港人治港同埋宣傳一國兩制,即使幾想消滅香港民族同打擊已經發展有成嘅黃色經濟圈,都仍然係要靠返香港商家同明星去唱好香港,可見人類嘅真正資本唔係物質同權利,而係感染力同號召力,而中共因為道德敗壞,再不擇手段都只可以用污糟錢去收買人心。抗爭暫緩,反省自己會唔會太輕敵係好事,但更重要嘅係繼續收集訊息,繼續思考香港民族目前嘅處境。

大聯盟召集人之所以係董建華同梁振英,原因在於佢地係中共最信得過嘅棋子,就算喺香港人心目中幾咁惡名昭彰,都不得不用。再睇埋大聯盟其他共同發起人,政界學界代表都係啲臭朵人士,無法取信於民,例如曾鈺成、梁錦松、袁國強等人,佢地同中共有密切關係都已經係公開嘅秘密。而商家代表加入呢種性質嘅組織就係政治投保,一如以往,因為目前香港仍然未脫離中共魔爪,而香港民族勢力未成,概念股未砌好。故此,表面上中共係好有影響力,但實際上大聯盟亦透露咗中共嘅外強中乾,因為佢地喺香港佈局幾十年,喺每一輩人每一界別都試過插旗,但由於插旗嘅方法不外乎恐嚇勒索同用錢引誘,到頭來竟然都係動搖唔到啲既有能力靠自己闖出一片天,又有清晰是非觀念嘅香港人。

長遠去睇,經濟永遠係自然發展,但因為世人皆短視,往往會因為十年廿年嘅榮景或衰退而忽略不變嘅規律。香港嘅繁榮穩定,由一開始就係受益於英治歷史,而中共之所以覬覦香港,志在必得,就係因為匪徒無法白手興家,只有靠搶劫至可以維生。中共獲得香港主權之後,如同寄生蟲一樣蠶食香港健壯之驅,導致香港體質變差之後,又衝返出黎話要振興經濟,言語同行為完全係自相矛盾。香港係因為香港人努力而繁榮,而人之所以願意努力係因為相信努力就會有回報,但喺中共統治之下,香港人已經失去信心,因而逐漸發現只有正本清源至有望再次繁榮,如此思想進步正係抗爭嘅動力。香港民族對經濟嘅認知緊貼由英美所鞏固嘅世界秩序,就係相信商業嘅基礎係信任,但中共同華夏食人族對經濟嘅認知則係極為落後,只係識得掠奪他人努力成果。

前現代人要統治現代人,靠嘅係為現代人提供利益,但因為搶劫所得嘅利益無法同努力產出嘅利益有同樣效率,喺耗盡所有可能之後,佢地就會山窮水盡。中共對管轄區內嘅掠奪,可以體現為對遊牧民則破壞草原,對無產者則血汗壓榨(唔少得對反抗者則器官活摘),但呢啲生財之道,總會遇到天然資源受創、勞動人口減少嘅發展樽頸,最後,以掠奪為本嘅所謂富有中國特色嘅經濟模式就會無以為繼,急速萎縮。目前嘅中共,已經落入經濟萎縮之困境(幾個禮拜之前又以香港金管局之名借咗一百億美金畀中銀),就算點樣融資,點樣振興,都唔會有復活嘅可能,因為不論係對香港定世界上其他國家而言,佢地嘅可信度都已經跌破新低。成功自古至今都唔係從天而降,但華夏食人族又好,中共又好,佢地眼中都只睇到成功者本人或後代嘅物質財富,而唔會去諗點樣成為第一代成功者,繼而惠及後代。此之所以,香港人可以蛻變成香港民族,而食人族則只可以一直食子充飢。

概而言之,香港商家加入係政治投保,政界學界有代表則係中共動員,如此組織往往係cap完水就會解散,下場將會如同香港團結基金,虎頭蛇尾。中共選擇喺呢個時機組織呢個大聯盟,相信係志在喺正式開戰之前再吸納一筆錢,而親共人士焗住傾巢而出,就係因為香港民族概念股未成氣候。香港商家嘅錢目前白白流走,已經係事實,而要留住香港商家,靠嘅就係精進自身,團結香港民族。試想像,如果黃色經濟圈有大商家支持,如果香港獨立思想有大商家推動,支爆就會加速,香港就會有生機,雙方勢力絕對係此消彼長。商人知道奇貨永遠可居,但創造奇貨需要創意同努力,而呢兩樣嘢香港民族一直都唔缺——只要吸引到商人歸隊,真正愛國,香港民族就可以集資建國,改寫歷史。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s