民族生還者求生指南序

近日大家都習慣用condom形容勢弱手足,時刻提醒同路人唔可以放棄手足,但事實上,真正可以用完即棄而且喺世界完全不留任何貢獻嘅,係幫中共維穩嘅香港警察同中國武警。呢啲最缺乏開化嘅賤民,見錢開眼,見權跪地,但從來唔知愛為何物,為當權者服務之後,只會成為終極condom,消失於歷史之中。

普通人對付普通人,有刀槍者會贏,因為未準備刀槍一方,無意傷害他人。此之所以,由六月到而家,大家只可以硬食警察嘅欺壓,無法反擊。表面上,警察無法無天,施暴濫殺無所不用其極,但事實上,我地一定要知道,只有意識唔到真正極限嘅人,意識唔到自己所身處嘅位置係何其危險嘅人,至會去到咁盡。唯物主義者以為手中有槍,就係有權有勢,大腦完全無法思考社會問題以及世界格局,佢地完全意識唔到,只要上司失勢,一聲令下,佢地就會接受制裁,成為權鬥犧牲品。

而所謂制裁,自然唔係法庭宣判罪行就可以了事。法律只係文明人嘅工具,警察既然犯咗文明所無法容忍嘅罪,等候佢地嘅自然唔會係有期徒刑。人本身就會運用武力,但文明人之所以文明,正在於可以消化原始部落運用武力嘅原因,以愛之名去運用武力。武力喺現今文明世界只係隱退,而非消失,理由正在於野蠻人濫用武力之事仍然未能根除,而善用武力自衛,以至對付文明社會周邊嘅野蠻人,就係文明人嘅權利。文明人思想始終保持文明,但手執武器,為比錢更重要嘅原因去反擊復仇嘅人,戰意會超乎野蠻人所能想像。當兩邊嘅普通人都擁有刀槍,善用刀槍作正義之事一方必勝,還死傷者公道,只係時間問題。

挑釁警察,嘲笑警察,挫傷唔到佢地自尊,亦動搖唔到佢地良知,因為佢地根本就冇擁有過心靈。而佢地嘅快感,只會來自官能刺激,以及恭維說話。於是我地就見到而家嘅現象:虐待強姦少男少女,女權分子最反感嘅male-gaze同評頭品足做到十足,一部分直頭意氣風發到露出容貌,任由旁人影相留底,自覺威風。可以想像,警隊高層幫佢地打咗極大枝強心針,更可以想像,佢地真係唔知道,只要曾經受過迫害嘅人做足準備,佢地就會死無葬身之地。

因此大家都要比警察聰明,比警察知道生存之道。我地必須要知道,帝國極限已經迫近,世界秩序無法逆轉,當大家捲入最惡劣嘅環境之際,金錢同制度其實係同中大花草一樣唔值錢,而真正值錢嘅只有互信同埋才能。警察殉職,佢地同袍係唔會記住一世,中共黨員遇刺身亡,佢地親友亦唔會誓死相衛,而我地呢一邊嘅人,係會喺最艱難嘅時候,都擋喺同路人身前,互相保護,互相關照。只要香港同胞健在,只要民族精神不朽,我地就會係生存到最後嘅一批生還者。

有情之後,亦要有智。正如林夕喺早前〈還能吃得好睡得好的話,別內疚〉一文提到,要成長,必定唔可以止於悲傷,由佢呢位過來人口中道出,理應極具說服力。「如果有精神精力,我建議你多看點分析大格局大形勢的文章,不但能稍為抽離於最虐心的個別事件,人會冷靜點,不會不自覺沈溺於自責與悲傷的情緒,那不是道德贖罪券。」當了解抑鬱焦慮嘅人,都知道每日喊完之後,仍然要重新振作,大家又點可以唔堅持落去?睇得越多,就會學得越多,學得越多,就會明得越多,去到一定程度,大家就會知道香港民族其實非常有勝算,只係有勝算嘅路,要裝備充足,至會行得通,行得遠,而大家而家只係踏出咗第一步。

離棄手足嘅真正定義,就係停止精進,無心向學。大家要知道,所謂幫到手足,除咗每次有事出去救人之外,更重要嘅係了解局勢,為將來爆發嘅戰爭做思想準備——實際而言,就係幾攰都好,每日都抽少少時間去閱讀、思考同討論,接觸非煽情嘅文章。留意街頭實況同轉發有用資訊永遠重要,但分配時間,離開家門之前用一個鐘時間去靜心增值,絕對唔係難事。我始終相信,講得出為香港而死,更講得出為香港而生嘅人,理應做得出為香港而精進自身,日夜兼程。

前線手足係為所有香港同胞而戰,由一開始,就註定比condom有用一百倍。而手足會唔會成為condom,係視乎處於其他崗位嘅人有幾努力,而呢種願意為對方努力嘅民族情感,正正係我地香港人將來值得歷史留名嘅原因。然而,形勢雖好,我地始終只係處於起步,歷史浩瀚,一年半載嘅抗爭,三五千條人命,喺獨立成為事實之前,係絕對唔會有資格擠身其中。日本首批留學生兼明治時期工學界大老古市公威曾經講過,佢越遲學成歸國,日本嘅繁榮就越遲成真,呢句說話我過目不忘,記到而家,因為我知道民族主義只會生成於有根有愛嘅民族,而成就大事者一定要專心一致,全力以赴,至會等到時機成熟,厚積薄發嘅一刻。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s